२८ बैशाख, काठमाण्डौ ।    चालु आर्थिक बर्षको ९ महिनामा नेपालमा हुने विप्रेषण आप्रवाह ३९.१ प्रतिशतले वृद्धि भएको छ ।

यस अवधीमा नेपालमा १६ खर्ब ५९ अर्ब ४१ करोड रुपैया बराबरको रेमिटेन्स आएको नेपाल राष्ट्र बैकको प्रतिवेदनमा उल्लेख छ ।

अघिल्लो वर्षको सोही अवधिमा विप्रेषण आप्रवाह १०.२ प्रतिशतले बढेको थियो । २०८२ चैत महिनामा विप्रेषण आप्रवाह २०९ अर्ब ७५ करोड रहको छ ।

अघिल्लो वर्षको सोही महिनामा विप्रेषण आप्रवाह १३९ अर्ब ५४ करोड रहेको थियो ।

समीक्षा अवधिमा अमेरिकी डलरमा विप्रेषण आप्रवाह ३१.९ प्रतिशतले वृद्धि भई ११ अर्ब ५५ करोड पुगेको छ । अघिल्लो वर्ष यस्तो आप्रवाह ७.५ प्रतिशतले बढेको थियो ।