१० फागुन, काठमाण्डौ ।    युनाइटेड मोदी हाइड्रोपावर लिमिटेडले गत आर्थिक वर्षको मुनाफाबाट शेयरधनीहरुलाई वितरण गर्ने लाभांशको घोषणा गरेको छ । कम्पनीले हाल कायम चुक्ता पूँजीको ७ प्रतिशत बोनस शेयर र सोको कर प्रयोजनार्थ ०.३६८ प्रतिशत नगद लाभांश वितरण गर्ने घोषणा गरेको हो । फागुन ८ गते बसेको कम्पनीको सञ्चालक समितिको बैठकले सो दरमा लाभांश वितरण गर्ने निर्णय गरेको हो । विद्युत नियमन आयोगबाट स्वीकृत भई आगामी वार्षिक साधारण सभाले पारित गरेपश्चात सो दरमा लगानीकर्ताहरुले लाभांश प्राप्त गर्ने छन् ।

०७ फागुन, काठमाण्डौं ।    विद्युतीय व्यापार (इ–कमर्स) क्षेत्रलाई व्यवस्थित, पारदर्शी र उपभोक्तामैत्री बनाउन विद्युतीय व्यापार (इ–कमर्स) निर्देशिका २०८२’ जारी गरेको छ । उद्योग, वाणिज्य तथा आपूर्ति मन्त्रालयले ‘विद्युतीय व्यापार (इ–कमर्स) ऐन, २०८१’ मा गरिएको व्यवस्था बमोजिम उक्त निर्देशिका जारी गरेको हो । नेपालमा पछिल्लो समय तीव्र रुपमा विस्तार भइरहेको अनलाइन (डिजिटल कारोबार) कारोबारलाई थप व्यवस्थित बनाउन इ–कमर्स निर्देशिका बनाएको मन्त्रालयले जनाएको छ । उद्योग मन्त्रालयले इ–कमर्स निर्देशिकाले नेपालको डिजिटल अर्थतन्त्रलाई औपचारिक, सुरक्षित र प्रतिस्पर्धी बनाउन महत्त्वपूर्ण भूमिका खेल्ने विश्वास लिएको छ । निर्देशिकाको उचित कार्यान्वयनले उपभोक्ताको विश्वास जित्ने तथा समग्र इ–कमर्स इकोसिस्टमलाई बलियो बनाउने अपेक्षा सरकारको छ । सरकारले…

२१ माघ, म्याग्दी ।   अर्थमन्त्री रामेश्वर खनालले स्रोतको अभावबाट निर्वाचनमा कुनै अवरोध सिर्जना नहुने स्पष्ट पार्नुभएको छ । आगामी फागुन २१ गते हुने प्रतिनिधिसभा सदस्य निर्वाचनको लागि सरकारले आर्थिक स्रोतको व्यवस्था मिलाएकाले निर्धक्क भएर चुनावको तयारीलाई निरन्तरता दिन निर्देशन दिनुभयो । आज बेनीमा आउनुभएका खनालले सुरक्षा निकाय, मुख्य निर्वाचन अधिकृत र निर्वाचन कार्यालयका अधिकारीहरूसँग निर्वाचनको तयारी र जिल्लाको वस्तु अवस्थाका विषयमा जानकारी लिनुभयो । उहाँले मिथ्या र भ्रामक सूचना प्रवाह रोक्नका लागि संवेदनशील बन्न आग्रह गर्नुभयो । भ्रामक, मिथ्या सूचना र भदौ २४ गते लुटिएका हातहतियारलाई सरकारले चुनावका लागि चुनौतीका रूपमा लिएर त्यसको सामना गर्ने रणनीति बनाएको बताउनुभयो । मौसमका…

२० माघ, काठमाण्डौं ।   अत्याधुनिक प्रविधिको प्रयोग गरी नेपालमा औषधि उत्पादन गर्दै आएको देउराली जनता फर्मास्युटिकल्स प्रा.लिले औषधि उद्योगमा थप लगानी गर्ने भएको छ । कम्पनीले औषधि उत्पादनको क्षमताविस्तार गरी आन्तरिक खपत बढाउने र निर्यात समेत गर्ने गरी चितवनको भरतपुरमा अत्याधुनिक प्रविधियुक्त औषधि उद्योग स्थापना गर्न लागेको हो । कम्पनीले ३५ औं बार्षिकोत्सवको अवसरमा आयोजना गरेको पत्रकार सम्मेलनमा औषधि उद्योगमा थप ४ अर्ब ७५ करोड लगानी गर्न लागेको जनाएको हाे  । चितवनमा बन्ने औषधि उद्योग परियोजना आगामी २ बर्ष भित्रमा निर्माण सम्पन्न गरी उत्पादन शुरु गर्ने लक्ष्य रहेको देउराली जनता फर्मास्युटिकल्स प्रालिका निर्देशक सुरजभक्त पौडेलले पत्रकार सम्मेलनमा बताउनु भयो ।…

२६ पुस, काठमाडौं ।  नेपाल सरकारकाे स्वामित्वकाे नेपाल आयल निगमले गत आर्थिक वर्ष २०८१/८२ मा मात्रै  १३ अर्ब रुपैयाँभन्दा बढी खुद नाफा कमाएको तथ्यांक सार्वजनिक गरेको छ । निगमका कार्यकारी निर्देशक डा. चण्डिकाप्रसाद भट्टले आयल निगमले आर्थिक सबलताको सफल यात्रा तय गरेको भन्दै शनिबार ५६ औं वार्षिकोत्सवका अवसरमा अायाेजित कार्यक्रममा   खुद नाफाको तथ्यांक सार्वजनिक गर्नु भएकाे हाे  । कार्यक्रममा उहाँले निगमको अहिलेको व्यावसायिक उचाइको श्रेय स्वचालित मूल्य समायोजन र सुदृढ पूर्वाधार विकासकाे माध्यमबाट  संभव भएकाे उल्लेख गर्नु भयाे । नेपाल आयल निगमले गत आर्थिक वर्ष २०८१/८२ मा ३ खर्ब ६७ अर्ब रुपैयाँको कुल कारोबार गरेको थियो । उक्त अवधिमा १३…