२० भदौ, काठमाडौं ।  भोटेकोशी नदीमा बाढी आएको १० औं र ११ औं दिनमा गरी जलविध्युत अायाेजनाको सुरुङ र बाढीले क्षति पुर्‍याएको घरबाट गरी हालसम्म चार जनाको जीवितै गरिएकाे  छ ।

शनिबार अपर त्रिशुली १ बाट एक चिनियाँ नागरि र बेत्रावतीमा आनन्द श्रेष्ठको घरबाट उनकी श्रीमती चण्डिका श्रेष्ठको उद्धार भएको हो ।

नुवाकोट बिदुर १० की श्रेष्ठलाई सशस्त्र प्रहरी बल, नेपालका इन्सपेक्टर सुमन बिकको कमान्ड टोलीले उद्धार गरेको हो। १० औं दिनमा हिजो त्रिशुली ३ ए बाट दुई जनाको उद्धार भएको थियो ।

शुक्रबार त्रिशूली ३ ए बाट सञ्जय साह र कविर महर्जनको उद्धार भएको थियो ।

जल विद्धुत अायाेजनाका सुरुङको ट्रयापमा परेका व्यक्तिहरूको खोजी र उद्धार कार्य हाल जारी छ ।

भोटेकोशी बाढी प्रभावति क्षेत्रका सबै जलविद्युत आयोजनाहरूमा काम भइरहेको थियो । त्यस मध्ये आधा भन्दा बढी आयोजनाको सुरङमा काम भइरहेको थियो ।

त्यसैले सुरङमा अझै धेरै मानिसहरू फसिरहेकाका छन् । तर उनीहरूको अवस्था पत्ता लगाउन सुरक्षाकर्मीहरू र प्राविधिकहरुले कोशिस गरिरहेका छन् ।

गृहमन्त्री सुधन गुरुङले पनि उद्धार टोलीले काम जारी राखेको जानकारी गराउनु भएकाे छ ।

तर पनि सुरुङको जटिलताका कारण धेरै स्थानमा उद्धारकर्ताहरू पुग्न सकेका छैनन् ।

सुरुङमा मात्र मानिसहरू फसिरहेको कुरा आइरहेका बेला शनिबार बाढीले बगाएका घरका संरचनाहरूभित्र पनि मानिस फसेको हुनसक्ने तथ्य बाहिर आएको छ ।

आज बाढीले क्षति पुर्‍याएको घरबाट चण्डिका श्रेष्ठको जिवित उद्धार भएपछि अन्यत्र पनि यस्तो हुनसक्ने देखिएको छ ।

बाढीका कारण रसुवा गढीदेखि धादिङको गलौंदी सम्मका घरहरूमा क्षति पुगेको छ । धेरै बस्तीका घरहरू पुरिएका छन् कति घरहरू बाढीले पल्टाएको छ ।

यस्ता घरहरूमा पनि मानिसहरू च्यापिएका हुनसक्ने देखिएको छ ।