काठमाडौं । गैरआवासीय संघका अध्यक्ष डा बद्रि केसि र राष्ट्रिय प्रकृती संरक्षणकोषका सदस्य सचिव शरद चन्द्र अधिकारी लगायतका प्रतिनिधिहरु वीच खुमलटारमा रहेको कोषको कार्यलयमा भएको छ।

कोषका सदस्य सचिवले स्वागत गर्दै कोषले स्थापनाकाल देखी गर्दै आएको गतिविधिहरुबारे जानकारी गराउनुभयो । साथै कोषले गरेका क्रियाकलापबारे प्रस्तुतीकरणा समेत गरिएको थियो । मुख्यतया प्रस्तुतीकरणमा कोषले झापा, चितवन, वर्दिया शुक्लाफाट लगायतका विभिन्न तराईका जिल्लाहरुमा समुदायमा आधारीत वन जन्तु संरक्षण, वातावरण संरक्षण लगायतका कार्यक्रमहरुको हाइलाईट गरिएको थियो ।

जको भेटघाटको मुख्य उद्देश्य संरक्षण कोषले विविध क्षेत्रमा संचालन गरिरहेका कार्यक्रममध्ये कुन क्षेत्रमा सहकार्य गर्न सकिन्छ बारेमा केन्द्रित रहेको थियो ।

कार्यक्रमको अन्त्यमा संघका अध्यक्ष डा केसिले संघले स्थापनाकालदेखि नै संचालन गरेका गतिविधिबारे अवगत गराउनुभयो । उहाँले संघले हरेक २ वर्षमा नेपालमा विज्ञ सम्मेलनको आयोजना गर्दै आएको छ भने विश्वका विभिन्न क्षेत्रहरुमा क्षेत्रीय ज्ञान सिप सम्मेलनको पनि आयोजना हुदै आएकोबारे जानकारी गराउनुभयो । उहाँले विभिन्न मुलुकहरुमा गैरआवासीय नेपालीहरुले ज्ञान सीप तथा प्रविधिको क्षेत्रमा विद्वता हासिल गरेको समेत जानकारी गराउनुभयो ।

अन्त्यमा उहाँले कोषले आज प्रस्तु गरेको क्षेत्रमा ःयग् मार्फत सहकार्य गरी अघि बढ्नु पर्ने बताउनुभयो । साथै उहाँले विदेशमा रहेका गैरआवासीय नेपालीका दोश्रो पुस्तालाई यहाँको वन्यजन्तु संरक्षणमा अध्ययन गर्न र विदेशमा रहेर यस विषयमा विज्ञता हासिल गरेका विज्ञहरुलाई समेत समेटर लान सुझाव दिनुभयो । उहाँले यस कार्यक्रममा बोलाउनु भएकोमा कोष प्रति आभार प्रकट गर्नुभयो ।