४ साउन , काठमाडाै‌ ।  अष्ट्रेलियाका नेपालीलाई यतीबेला आफनो प्रतिनिधि छनौटका लागि  चुनाव लागेकाे  छ  ।

करिव १ लाख ५० हजार नेपालीहरुको बसोबास रहेको अष्ट्रेलियामा नेपालीहरुको साझा संस्था गैर आवासीय नेपाली संघको निर्वाचनले यति वेला माहौल तताएको छ ।

२०२३ जुलाई २९ तारिखमा हुन गैरहेको गैर आवासीय नेपाली संघ राष्ट्रिय कार्यसमिति अष्ट्रेलियाको निर्वाचनका लागि अध्यक्षको पदमा ३ जनाले उम्मेदवारी घोषणा गरेका छन ।

महासचिवमा ३ जनाले उम्मेदवारी दर्ता गराएका छन् । अन्य उम्मेदवारीको वारेमा अध्ययन भैरहेको निर्वाचन समितिले जनाएको छ ।

अध्यक्षका उम्मेदवारहरुले हाल अष्ट्रेलियाका नेपालीहरुको बाक्लो बसोबास रहेका विभिन्न प्रदेशहरुको चुनावी भ्रमण गरिरहेका छन् ।

निर्वाचनका लागि राष्ट्रिय कार्यसमिति अष्ट्रेलियाका पूर्व अध्यक्ष तन्नउ घोथानेलाई निर्वाचन समितिको संयोजक बनाइएको छ ।

विश्वभर सबै भन्दा धेरै नेपालीहरुको बसोबास रहेको अष्ट्रेलियामा हुन लागेको यो निर्वाचनले चर्चा पाउनु स्वभाविक भए पनि अझै धेरै नेपालीहरु गैर आवासी नेपाली संघको दायराबाट बाहिर नै रहेको अवस्था छ ।

यस निर्वाचन प्रयोजनका लागि सदस्यता आवेदन माग गरेकोमा जम्मा २० हजारले आवेदन गरेकोमा तीन सबै आवेदकको छानविन गरी एक दुइ दिनमा योग्य मतदाताको नाम निकाल्ने तयारी भैरहेको निर्वाचन समितिले जनाएको छ ।

कुल संख्याको १० प्रतिशतले पनि गैर आवासीय नेपाली संघमा आवद्धता जनाएका छैनन ।

नेपालीहरुको न्युन सहभागिताको रहेको भए पनि नेपाल सरकारको आधिकारिक मान्यता रहेको यो नै नेपालीहरुको छाता संस्थाको रुपमा रहेको छ ।

गैर राजनीतिक प्रकृतीको यो संस्थालाई पछिल्लो समय राजनीतिक प्रभावमा पारिएको गुनासो गैर अवासीय नेपालीहरुले गर्ने गरेका छन् ।

नेपाली राजनीतिको प्रभाव पनि गैर आवासीय नेपाली संघमा समय समयमा देखिने गरेको । त्यसतो प्रभावबाट संघ मुक्त हुन नसकेको धेरैको गुनासो अद्यपी कायमै छ ।

हालका अध्यक्ष नन्द गुरुड‍‍‍‍ले चुवावकाे लागी प्रकृया शुरु  भएकाे र सकेसम्म सहमतिमा अध्यक्ष छनौटका लागि पहल भैरहेकाे बताउनु भयाे  ।

       प्रतिस्पर्धामा उत्रिएका अध्यक्षका उम्मेदवारहरुका प्रतिवद्धताहरु यस्ता रहेका छन ।

                 
                                                  अध्यक्षका उम्मेदवार : देवबहादुर गुरुड.
                                                       हाल न्यु साउथवेल्सका उपाध्यक्ष

                                                     देवबहादुरका निर्वाचनका एजेण्डाहरु

    १. गैर अवासीय नेपालीका नीतिहरु र दस्तावेजहरुमा सुधार गर्ने ।

    २. नेपालीको बाक्लो बसोबास स्थानहरुमा नेपाली सामुदायिक केन्द स्थापना ।

   ३. प्रोत्साहन सहित सदस्यता वितरण र सहयोग रकममा कर छूट गराउने ।

   ४. नेपालीहरुलाई सशक्तिकरण गरी एकतावद्ध गराउने ।

    ५. अष्टे«लिया जानु अघि जानकारीमुलक शत्र संचालन गर्ने ।

    ६. नेपालीहरुको हित रक्षाका लागि अष्टे«लिया र नेपाल सरकारसंग पहल गर्ने ।

अध्यक्षका उम्मेदवार : डिला खरेल
पूर्व कोषाध्यक्ष तथा प्रवक्ता

डिलाका निर्वाचनका एजेण्डाहरु

                  १.  पारदर्शीताको मुद्दालाई  खरोरुपमा उठाउने  ।

                  २.अस्ट्रेलियामा समस्यामा पर्ने नेपाली विद्यार्थीहरुलाई सहयोग गर्न विशेष योजना ल्याउने ।

                ३. अष्ट्रेलियबाट नेपाल र  नेपाली समुदायले अधिकतम लाभ लिन सक्ने वातावरण बनाउने ।

               ४‍. ‍‍‍‍‍‍‍‍नेपाल र अष्ट्रेलियाबीचको सम्बन्ध प्रगाढ बनाउँदै नेपालमा लगानीका लागि उत्प्रेरित गर्ने  ।

               ५. नेपाली दूतावासलाई थप प्रभावकारी बनाउने र प्रत्यक्ष वैदेशिक लगानी बढाउने ।

               ६. एक लगानी एक रोजगारी नीतिको प्रभावकारी कार्यान्वयन गर्ने

                ७. एनआरएनएलाई साझा  र नयाँ पुस्ताको भरपर्दो स‌स्था बनाउने  ।

अध्यक्षका उम्मेदवार : अनिल पोखरेल
हालका कोषाध्यक्ष

                                             अनिलका एजेन्डाहरु

१.  पहिचान र सम्बन्धको संवेदनाशिलता बुझेर भाषा र सांस्कृतिको संरक्षण मार्फत दोस्रो पुस्तालाई सशक्त बनाउन प्रवर्द्धनात्मक कार्य गर्ने ।
२. नेपाली भाषा र परम्पराको संरक्षण गर्दै नेपालको अनुपम सांस्कृतिक सम्पदालाई भावी पुस्तामा हस्तान्तरण गर्ने ।
३. एनआरएनएसँगको सक्रिय संलग्नतालाई प्रोत्साहित गर्दै संगठनका गतिविधि, परियोजनाहरू र कार्यक्रमहरूमा अर्थपूर्ण योगदान पु¥याउन प्रेरित गर्ने ।
४. अष्ट्रेलिया र नेपालबीच सांस्कृतिक आदानप्रदान मार्फत कूटनीतिलाई सुदृढ बनाउन भूमिका खेल्ने ।
५ .नेपालसँग सम्बन्धित शैक्षिक र व्यावसायिक अवसरहरू खोल्दै दोस्रो पुस्तालाई देशको विकासमा योगदान गर्न र स्थापित गर्न भूमिका खेल्ने ।