०६ जेठ, लन्डन ।  बेलायती प्रधानमन्त्रीले पहिलोपटक टेन डाउनिङ स्ट्रिटमा बेलायतमा बसाेबास गर्ने  नेपाली समुदायलाई सम्बोधन 
गर्नु हुने  भएकाे छ ।

नेपाल बेलायत शान्ति तथा मैत्री सन्धि भएको १०० वर्ष  मनाउने  क्रममा टेन डाउनिङ स्ट्रिट  प्रधानमन्त्री कार्यालयमा  विशेष कार्यक्रम गर्न लागिएको हो ।

बेलायती प्रधानमन्त्रीले नेपालीलाई व्यक्तिगत रुपमा वा सानो समूहसंग भेटघाट  गर्ने गरेपनि समुदायलाई नै सम्बोधन गर्न लागेको यो पहिलो भएकाेले ऐतिहासिक मानिएको छ ।

यही जेठ ०७ गते अर्थात मे २० तारिखका दिन  सोमबार साँझ ५ बजे प्रधानमन्त्री कार्यालय टेन डाउनिङ स्ट्रिटमा प्रधानमन्त्री ऋषि सुनकले सम्बोधन नेपाली समुदायलाइ सम्बाेधन गर्ने कार्यक्रम बेलायतसि्थत नेपाली दुतावासले जनाएकाे छ  ।

बेलायत र नेपालबीच द्विपक्षीय सम्बन्ध तथा दुई देशबीच मैत्री सन्धिमा हस्ताक्षर भएको एक सय वर्ष मनाउने उद्देश्यले कार्यक्रम तय भएको बेलायती प्रधानमन्त्रीको कार्यालयले जनाएको छ ।

लन्डनस्थित नेपाली दूतावासकी उपनियोग प्रमुख रोशन खनालका अनुसार समारोहमा बेलायतको नेपाली समुदायबाट प्रतिनिधिमूलक रुपमा झण्डै १२० जनाको सहभागिता रहनेछ । त्यस्तै, नेपालसंग निकट करिब दुई दर्जन बेलायती पनि सहभागी हुनेछन्।

टेन डाउनिङ स्ट्रिटभित्र कार्यक्रम गर्न लन्डनस्थित समाजसेवी व्यवसायी रविन्द्रजंग लामिछानेको पनि सहयोग रहेकाे छ ।

‘बेलायत नेपालको पहिलो द्विपक्षीय सम्बन्ध भएको मुलुक हो । दुई देशबीच झण्डै २०८ वर्ष लामो ऐतिहासिक सम्बन्ध रहिरहंदा मैत्री सन्धिको एकसय वर्षगांठ एउटा ऐतिहासिक कार्यक्रमसहित मनाउने सोचले सार्थकता पाएको छ’, लामिछानेले बताउनु भयाे  ।

‘यस कार्यमा नेपाली दूतावास र नेपाली समुदायकाे   पनि विशेष भूमिका तथा  योगदान रहेकाे  लण्डनका नेपाली व्यवसायी लामीछानेले बताउनु भयाे  ।

बेलायत सरकार र त्यहांको राजनीतिक वृत्तसंग निकट रहनु भएका लामिछानेकै पहलमा यसअघि पनि बेलायत नेपाल द्विपक्षीय सम्बन्ध अभिवृद्धिमा केन्द्रित विभिन्न कार्यक्रमहरू त्यहाँ  हुँदै आएका छन् ।

हालै बेलायतमा अायाेजित मैत्रीपूर्ण फुटवल प्रतियाेगताकाे अायाेजना गर्न पनि  लामिक्षानेले  सहयाेग गर्नु भएकाे थियाे ।