२२ जेठ, काठमाडौं ।   नेपाली बजारमा मंगलवार सुनकाे मूल्य तोलामा एक हजार सात सय रूपैयाले वृद्धि भएर नयाँ रेर्कड  कायम भएकाे छ ।

नेपाल सुनचाँदी व्यवसायी महासङ्घका अनुसार सोमबार प्रतितोला रु एक लाख ४१ हजार मूल्यमा कारोबार भएकामा सोही परिमाणको सुन आज रु एक लाख ४२ हजार सात सयमा किनबेच भएको छ ।

यसैगरी, तेजाबी सुन सोमबार प्रतितोला  एक लाख ४० हजार तीन सयमा कारोबार भएकामा आज त्यति नै तौलको तेजाबी सुनको मूल्य एक लाख ४२ हजार निर्धारण भएको छ ।

त्यस्तै, चाँदीको मूल्य तोलामा  २५ ले वृद्धि भएको छ । सोमबार प्रतितोला  एक हजार आठ सय ३५ मा एक तोला चाँदी बिक्री भएको थियो ।