०३ म‌‌सिर काठमाडौँ  ।  नेपालकाे पर्यटन क्षेत्रमा ठुलाे लगानी थपिएकाे छ  । व्यवसायी उमेश श्रेष्ठ र व्यवसायी मीनबहादुर गुरुङले  करिब ६ अर्ब लगानीमा  काठमाडौंको दरबारमार्गका पुरानाे अन्नपूर्ण हाेटेल भत्काएर नयाँ बनाउन लागेका  छन् ।  अन्नपूर्ण स्क्वायर होटलको नामले बनाउन लागेकाे साे हाेटेलकाे  साेमवार शिलान्यास गरिएको छ ।

व्यवसायी मीनबहादुर गुरुङले सोमबार उक्त होटलको शिलान्यास गरेका हुन् ।

शिलान्यासमा कांग्रेस नेता एवं व्यवसायी उमेश श्रेष्ठ, राष्ट्रिय वाणिज्य बैंकका पूर्वसीईओ किरणकुमार श्रेष्ठलगायत सहभागी थिए ।

भाटभटेनी समूह र लिटिल एन्जल्स समूहले करिब ६ महिना अघि किनेको अन्नपूर्ण होटलमा नै नयाँ होटल निर्माण गर्न लागेका हुन् । यस होटलको लागत करिब ६ अर्ब रुपैयाँ हुने अनुमान गरिएको छ । २०८५ देखि वैशाख १ गतेदेखि होटल सञ्चालनमा आउने बताइएको छ ।

होटल संचलानका लागि डेढ महिना अघि नै भारतीय होटल व्यवस्थापन कम्पनी आइटीसी वेलकमसँग सम्झौता भइसकेको छ ।

होटलमा ३५० कोठा र ४० कोठा अपार्टमेन्टसहित होटल परिसरमा रहने बिजनेस कम्प्लेक्समा भाटभटेनीदेखि विभिन्न ब्रान्डेड शपिङ मल रहनेछन् ।