कार्यकारी अध्यक्ष डा.विष्टले सञ्चार तथा सूचना प्रविधि मन्त्रालयमा सार्वजनिक सेवा प्रसारण परिषद्का अध्यक्ष एवम् सञ्चार तथा सूचना प्रविधि मन्त्री पृथ्वी सुब्बा गुरुङसमक्ष पद तथा गोपनीयताको शपथ ग्रहण गर्नुभएको हो ।
डा विष्ट यसअघि नेपाल टेलिभिजनको कार्यकारी अध्यक्ष बन्नुभएको थियो ।
गत शुक्रबार बसेको मन्त्रिपरिषदको बैठकले डा.विष्टलाई कार्यकारी अध्यक्षमा नियुक्त गर्ने निर्णय गरेको थियो ।
नेपाल टेलिभिजन र रेडियो नेपाललाई सरकारले सार्वजनिक सेवा प्रसारण संस्थाको एउटै व्यवस्थापनबाट सञ्चालन गर्ने गरी केही महिनाअघि मात्र सार्वजनिक सेवा प्रसारण ऐन ल्याएको थियो ।
सरकारले सोही ऐनअनुसार सार्वजनिक सेवा प्रसारण संस्थाको कार्यकारी अध्यक्षमा डा.विष्टलाई नियुक्ति गरेको हो ।
विश्वमा सार्वजनिक सेवा प्रसारण संस्थाको अवधारणा बेलायतबाट सन् १९२५ मा विकास भएकाे करिव १ सय बर्ष पछि नेपालमा सार्वजनिक सेवा प्रसारणकाे सेवा शुरूवातकाे लागि सरकारले सार्वजनिक सेवा प्रसारण ऐन मार्फत सार्वजनिक सेवा प्रसारण संस्था गठनकाे व्यवस्था गरे अनुसार याे नियुक्ती भएकाे हाे ।
