१३ असार, काठमाण्डौ ।  राष्ट्रिय परीक्षा बोर्डले यस वर्षको माध्यमिक शिक्षा परीक्षा (एसईई) को नतिजा सार्वजनिक  गर्ने तयारी गरेकाे छ ।  राष्ट्रिय परीक्षा बोर्ड परीक्षा नियन्त्रण कार्यालय सानोठिमी भक्तपुरले बर्ष २०८१ सालको (एसईई) परीक्षाको नतिजा आज प्रकाशित गर्ने भएको हाे ।

नतिजा निकाल्ने सन्र्दभमा छलफल गर्न आयोजित परीक्षा बोर्डको बैठकले आज साँझ ६ बजे पछि नतिजा निकाल्ने निर्णय गरेको र सोही अनुसारको अन्तिम तयारीको रुपमा चेक जाँचको काम भइरहेको छ ।

यस वर्षको एसईई परीक्षा गत चैत ७ गतेदेखि सञ्चालन भएको थियो ।

यस बर्षको (एसईई) परीक्षामा स्वदेश तथा विदेशबाट समेत गरी नियमिततर्फ ४ लाख ३१ हजार ४६६ र ग्रेड वृद्धितर्फ ६७ हजार ७१५ गरी कुल ४ लाख ९९ हजार १८३ विद्यार्थी सहभागी छन् ।