०५ बैशाख ,काठमाडौं ।    नेपाल स्टक एक्सचेन्ज (नेप्से)ले शेयर बजारको कारोबारका लागि नयाँ व्यवस्था ल्याएको छ । नेप्सेले ‘धितोपत्र कारोबार सञ्चालन विनियमावली, २०७५’लाई संशोधन गर्दै नयाँ व्यवस्था ल्याएको हो ।

संशोधित विनियमावली अनुसार अब नेप्सेमा सूचीकृत कम्पनीहरूको दैनिक शेयर मूल्य घटबढ हुन पाउने सीमा (प्राइस लिमिट) १५ प्रतिशतसम्म  पुर्‍याइएको छ । हाल यस्तो व्यवस्था १० प्रतिशत थियो ।

यसअघि प्रचलनमा रहेको तीन तहको सर्किट ब्रेकर प्रणालीलाई हटाएर दुई तहको प्रणाली लागू गरिने भएको छ ।

कारोबार सुरु भएको पहिलो दुई घण्टाभित्र नेप्से सूचक ५ प्रतिशतले बढे वा घटेमा कारोबार १५ मिनेटका लागि स्थगित गरिनेछ ।

त्यसपछि खुलेको बजारमा सूचक ८ प्रतिशतले घटबढ भएमा उक्त दिनको बाँकी समयका लागि सम्पूर्ण कारोबार पूर्ण रूपमा बन्द गरिनेछ ।

नयाँ व्यवस्था सँगै अब लगानीकर्ताहरुले बजारकाे काराेवार समय भन्दा  अन्य  समयमा पनि  शेयर किनबेचका लागि अादेश गर्न सक्ने छन् ।

खास गरी विदेशमा रहेका नेपालीहरुले यस व्यवस्थाबाट लाभ लिन सक्ने छन्  ।