२९ असार, काठमाडौं ।   साताकाे पहिलाे काराेवार दिन  सोमबार नेपाली शेयर बजारकाे परिसूचकमा उच्च अंकको गिरावट आएको छ ।

यस दिन नेपाल स्टक एक्सचेन्ज (नेप्से) काे ३०.६० अंकले घटेर २५७० बिन्दुमा झरेको छ । सोमबार सेयर बजार करिब ८ महिनाकै न्यून बिन्दुमा झरेको हाे  ।

नेप्सेको यो अंक गत मंसिर ४ गते यताकै न्यून अंक हो । त्यस दिन नेप्से २५६० अंकमा रहेकाे थियो ।

साेमवार २२ कम्पनीको सेयर मूल्य बढ्दा २४९ कम्पनीको सेयरहरूकाे  मूल्य घटेको छ भने  ४ कम्पनीको सेयर मूल्यमा भने कुनै परिवर्तन भएको छैन ।

सोमबार ३६८ कम्पनीको ४ करोड कित्ता सेयर किनबेच हुँदा ७ अर्ब ४६ करोड रुपैयाँ बराबरको कारोबार भएको छ । यस दिन अघिल्लाे दिनकाे तुलनानमा काराेवार  भने उल्लेखनीय रकमले वढेकाे छ ।

त्यस्तै, १० प्रतिशत एनआईसी एसियको ४६ करोड र एभरेष्ट बैंक डिभेन्चरको ३७ करोड रुपैयाँ बराबरको कारोबार भएको छ ।

आज सामुदायिक लघुवित्तको सेयर मूल्य ५.३७ प्रतिशतले बढेको छ ।

आज नेप्से घट्ने क्रम नरोकिँदा कारोबार रकम बढ्नुले बजारले सुधारको बाटो लिन खोजेको हो कि भन्ने देखाउँछ ।

यद्यपि आर्थिक वर्षको अन्तिममा डिबेञ्चरको कारोबार बढ्दा बजारको समग्र कारोबारमा उल्लेख्य सुधारको अवस्था देखिएको हो ।

यो कारणले कारोबारकै कारण आशावादी हुने अवस्था भने खासै नरहेको विश्लेषकहरूको बुझाइ छ ।