१४ साउन, काठमाडौं । यो साताको लगातार चौथो कारोबार दिन नेपाली शेयर बजारकाे काराेवार   घटेको छ । बिहीबार बजारको परिसूचक नेप्से १६.२९ अंक घटेको हो ।

यो कमी पछि नेप्से २६७२ अंकमा अडिएको छ । यो साता कारोबार सुरु भएदेखि नै बजार लगातार घटिरहेको छ । साताको चार दिनमा नेप्से परिसूचक ६२ अंकले घटेको छ । गत शुक्रबार नेप्से २७३४ अंकमा रहेकाे थियो ।

बिहिवार ५९ कम्पनीहरूको मूल्य बढ्दा २०६ को घट्यो भने ११ को स्थिर रह्यो । यस दिन सबै समूहगत सूचकहरू घटेका छन् । विकास बैंक र जलविद्युत् समूह १ प्रतिशतभन्दा धेरै घटे ।

बैंकिङ ०.३३, विकास बैंक १.१२, फाइनान्स ०.१३, होटल तथा पर्यटन ०.२१, जलविद्युत् १.२०, लगानी ०.५५, जीवन बीमा ०.४२, उत्पादन तथा प्रशोधन ०.६७, माइक्रोफाइनान्स ०.४७, निर्जीवन बीमा ०.१९, अन्य ०.६९ तथा व्यापार ०.४२ प्रतिशत घटे ।

कालिन्चोक हाइड्रोपावरको मूल्य १५ प्रतिशत घट्यो । कर्पोरेट डेभलपमेन्ट बैंकको १२.६८, सोलु हाइड्रोपावरको ३.८२, रिजलाइन इनर्जीको ३.४७ प्रतिशत मूल्य घट्यो ।

आज रकमका आधारमा धेरै कारोबार भएका कम्पनीमा रिलायन्स स्पिनिङ मिल्स, कर्पोरेट डेभलपमेन्ट बैंक, रिडी पावर, खानीखोला हाइड्रोपावर, आँखुखोला जलविद्युत् र सेन्ट्रल फाइनान्स छन् ।