नागरिकता र विधेयक: गैरआवासीय नेपाली सम्बन्धी विधेयक (२०८३) यथाशीघ्र संसदबाट पारित गर्न र वंशजको नागरिकताको निरन्तरताका लागि संवैधानिक व्यवस्था गर्न अनुरोध।

आर्थिक लगानी: युरोपमा रहेको नेपाली पूँजी, सीप र अनुभवलाई नेपालमा जोड्न लगानीमैत्री वातावरण बनाउन सरकारलाई आग्रह।

एनआरएनए डेभलपमेन्ट फण्ड: ८५% सम्म धितोपत्र जारी गर्न पाउने व्यवस्थाका लागि धन्यवाद दिँदै साना तथा मझौला लगानीकर्ताहरूलाई सहभागी हुन आह्वान।

नेपाल प्रवर्द्धन र व्यापार: नेपाललाई पर्यटकीय गन्तव्यको रूपमा स्थापित गर्न, ‘Nepal House’ लगायतका माध्यमबाट नेपाली उत्पादन, पर्यटन र संस्कृतिको अन्तर्राष्ट्रिय बजारीकरण गर्ने प्रतिबद्धता।

सुरक्षित आप्रवासन र श्रम कूटनीति: वैधानिक श्रम मार्ग सुदृढ गर्ने तथा पोर्चुगल, इटाली, रोमानियालगायत देशहरूमा हुने गैरकानुनी मानव ओसारपसार नियन्त्रणमा सहकार्य गर्ने।

महिला सशक्तिकरण: नेपाली महिलाको नेतृत्व, उद्यमशीलता र निर्णय प्रक्रियामा सहभागिता बढाउने तथा सुरक्षित आप्रवासन सुनिश्चित गर्ने।

युवा र दोस्रो पुस्ता: युवा तथा दोस्रो पुस्तालाई नेपाली भाषा, संस्कृति र एनआरएनएको नेतृत्व प्रक्रियामा अर्थपूर्ण रूपमा सहभागी गराउने।

ज्ञान र नवप्रवर्तन (Nepal Knowledge & Skills Network): विज्ञ, वैज्ञानिक तथा उद्यमीहरूको ज्ञान र प्रविधिलाई कृत्रिम बुद्धिमत्ता (AI) तथा डिजिटल प्रविधिमार्फत नेपालको विकासमा जोड्ने।

आगामी सम्मेलनहरू: चौथो विश्व ज्ञान सम्मेलन, पहिलो विश्व महिला सम्मेलन तथा अन्य क्षेत्रीय सम्मेलनहरू (मध्यपूर्व, ओसेनिया, अमेरिकाज्) सफल बनाउन आह्वान।

एनआरएनए रिब्रान्डिङ र अनलाइन भोटिङ: ‘NRNA Roadmap to 2030’ कार्यान्वयन गर्ने र अनलाइनमार्फत आईसीसी नेतृत्व चयनका लागि आवश्यक पूर्वाधार समयमै तयार गर्ने।

कार्यान्वयन र अनुगमन: घोषणापत्रका सुझावहरूलाई कार्ययोजनामा रूपान्तरण गरी नियमित अनुगमन तथा समीक्षा गर्ने।

संस्थागत एकता: आपसी मतभेदभन्दा माथि उठी एकता, सहमति र सहकार्यका साथ एकजुट भएर अघि बढ्न आह्वान।

ब्रिटिस गोर्खा र स्व. निर्मल पुर्जाप्रति सम्मान: ब्रिटिस गोर्खाहरूको पेन्सन विभेद अन्त्य र नागरिकता निरन्तरताको माग गर्दै पर्वतारोही स्व. निर्मल पुर्जाको योगदानको उच्च प्रशंसा।

वैदेशिक रोजगार सहजीकरण: इजरायललगायतका देशमा कार्यरत नेपाली कामदारको सेवा-सुविधा र रोजगारी अवधि थप गर्न समन्वय र सहजीकरण गर्ने।

आगामी सम्मेलनको आयोजना: आगामी १८ औँ युरोप क्षेत्रीय सम्मेलन युके वा पोल्याण्डमध्ये एक देशमा आयोजना गरिने।