माघ ९ ,काठमाडौं। सरकारले राष्ट्रिय योजना आयोगको उपाध्यक्षमा डा. मीनबहादुर श्रेष्ठलाई नियुक्त गरेको छ।

आज बसेको मन्त्रिपरिषद्को बैठकले डा श्रेष्ठलाई उपाध्यक्षमा नियुक्त गरेको हो ।

उपाध्यक्षमा नियुक्त डा.श्रेष्ठलाई आजै आयोगका अध्यक्ष प्रधानमन्त्री पुष्पकमल दाहाल ‘प्रचण्ड’ले पद तथा गोपनीयताको शपथ गराउनुभएको छ ।

श्रेष्ठ यसअघि २०७३ भदौमा पुष्पकमल दाहाल प्रधानमन्त्री हुँदा आयोगको उपाध्यक्ष भइसक्नु भएकाे छ । उहाँ राष्ट्र बैंकका पूर्व कार्यकारी निर्देशक समेत हुनुहुन्छ । राष्ट्र बैंकमा उहाँले २८ वर्ष काम गरेर सेवा निवृत हुनु भएकाे हाे ।

यसैगरी आयोगको सदस्यमा डा. रामकुमार फुयाल तेस्रो पटक नियुक्त हुनु भएकाे छ। उहाँ यसअघि २ पटक गरी चार वर्ष याेजना अायाेग सदस्य रहिसक्नु भएकाे छ ।