परिसूचक अपराह्न २:२० बजे सम्ममा बढेर १९९० बिन्दुमा पुगेकोमा त्यसको १३ मिनेटमा १९७५ बिन्दुमा झरेको थियो। त्यसपछि बढेर अन्तिममा १९८५.४४ बिन्दु कायम भएको छ।
राष्ट्र बैंकले नीतिगत दरहरु कम गरेको प्रभावस्वरुप वाणिज्य बैंकले ब्याजदर घटाउन थालेपछि सेयर बजार बढेको हो।
होटल उपसमूहको सूचक सबैभन्दा धेरै ४.३३ प्रतिशतले बढेको छ। जलविद्युत, वित्त र जीवन बिमा उपसमूहको सूचक पनि ३ प्रतिशत भन्दा बढी उकालो लागेको छ।
बोटलर्स नेपाल बालाजु, धौलागिरी लघुवित्त लगायत ८ कम्मपनीको सेयर मूल्यमा सकारात्मक सर्किट लागेको छ। तर बैंकिङ उपसमूह भने खासै बढ्न सकेन।
यस दिन बजारकाे काराेवार भने ४ अर्ब ३० करोड ९० लाख रुपैयाँ बराबरकाे भएको छ। यस दिनकाे लगानीकर्ताको रोजाइमा शिवम् सिमेन्ट परेको छ। यो कम्पनीको १८ करोड ७ लाख रुपैयाँको कारोबार भएको छ।
कारोबार रकम सोमबारको तुलनामा केही घटेको छ। सोमबार ५ महिनायताकै धेरै ४ अर्ब ८४ करोड रुपैयाँको सेयर किनबेच भएको थियो।
मौद्रिक नीतिमा लचकताका कारण आइतबार १११ अंकको उच्च वृदिभए संगै नेप्सेमा सोमबार १५ अंकको करेक्सन भएको थियो ।
