२९ चैत्र, काठमाडौं ।  अर्थमन्त्री डा. प्रकाशशरण महत र विश्व बैंककाे दक्षिण एसिया क्षेत्रीय उपाध्यक्ष मार्टिन रेजरबीच बुधवार टेलिफोन वार्ता भएको छ ।

टेलिफोन वार्तामा डेभलपमेन्ट पोलिसी रिभ्यू (डिपीसी) को प्रभावकारिता र कार्यान्वयनका विषयमा छलफल भएकाे थियो । आगामी जुन महिनामा नेपालमा हुने डिपीसी पुनरावलोकनका सम्बन्धमा पनि थप छलफल हुने भएको छ ।
भौतिक पूर्वाधार विकासका लागि विश्व बैंकको नेपालमा धेरै ठूलो लगानी छ, यसलाई अझ कसरी वृद्धि गरी प्रभावकारी कार्यान्वयन गराउन सकिन्छ भन्ने विषयमा समेत टेलिफोन वार्ता  भएको छ ।

विशेष गरी पूर्वाधार विकासमा विश्व बैंककाे सहयोगलाई नेपालमा अझ बढी कसरी उपयोग गर्न सकिन्छ भन्ने प्रस्ताव अर्थमन्त्री डा. महतले राखे भएकाे उहाँकाे सचिवालयले जनाएकाे  छ ।

विश्व बैंकले नेतृत्व गरिरहेको माथिल्लो अरुण जलविधुत आयोजनामा थप लगानीकर्ता पनि विश्व बैंकले नै खोज्ने भएकाले यस विषयमा समेत छलफल भएको थियो ।

माथिल्लो अरुण आयोजना सम्पन्न गर्ने विषयमा छलफल हुनुका साथै अन्य पूर्वाधार विकासमा पनि विश्व बैंकको सहयोग के कस्तो रहन्छ भन्ने विषयमा मन्त्री डा. महतले चासो राखेका थिए ।

मन्त्री डा. महतको चासोमा क्षेत्रीय उपाध्यक्ष रेजरबाट सकारात्मक जवाफ आएकाे सचिवालयले जनाएको छ ।