१५ चैत्र,  काठमाडौं।   स्थानीय बजारमा बिहिवार सुनको मूल्य तोलामा  एक हजार एक सय रूपैयाले  बढेको छ ।

नेपाल सुनचाँदी व्यवसायी महासङ्घका अनुसार छापावाल सुनको मूल्य तोलामा  एक लाख २७ हजार नौ सय तोकिएको छ ।

बुधबार छापावाला सुन प्रतितोला रु एक लाख २६ हजार आठ सयमा कारोबार भएको थियो ।

यस्तै तेजाबी सुन प्रतितोला  एक लाख २७ हजार तीन सयमा कारोबार गर्ने गरी मूल्य निर्धारण भएको छ । बुधबार तेजाबी सुन तोलाको  एक लाख २६ हजार दुई सयमा कारोबार भएको थियो । चाँदीको मूल्य पनि आज बढेको छ ।

बुधबार प्रतितोला  एक हजार चार सय ९० मा कारोबार भएको चाँदी आजका लागि भने एक हजार पाँच सय १० रूपैयामा काराेवार भएकाे छ ।