१८ मंसिर , बेइजिङ (चीन) ।  नेपाल र चीन बीच व्यापार प्रवर्द्धन, प्राविधिक सहयोग आदानप्रदानका विभिन्न विषयमा सहयोग र सहकार्यसम्बन्धी नाै वुंदे सहमतिपत्रमा हस्ताक्षर भएको छ ।

चीनको औपचारिक भ्रमणमा रहनुभएका प्रधानमन्त्री केपी शर्मा ओली र चीनका प्रधानमन्त्री ली छ्याङबीच ग्रेट हल अफ पिपलमा दुईपक्षीय भेटवार्तापछि आपसी सहकार्यसम्बन्धी सहमतिपत्रमा  नेपाल र चीनका प्रधानमन्त्रीको उपस्थितिमा  हस्ताक्षर भएको हो ।

वार्ताअघि प्रधानमन्त्री ओलीलाई चिनियाँ जनमुक्ति सेनाले ‘गार्ड अफ अनर’ प्रस्तुत गरेको थियो । प्रधानमन्त्री ओली नेतृत्वको प्रतिनिधिमण्डल चीनको औपचारिक भ्रमणमा हिजो बेइजिङ आइपुग्नुभएको हो ।