०८ माघ, काठमाण्डौ ।   नेपाली चिया निर्यातकाे  पंमुख भन्सार नाका  मेची भन्सार कार्यालयबाट चालु आर्थिक वर्षको छ महिनामा चिया निर्यात ५५ दशमलव ७० प्रतिशतले बढेको छ ।

कार्यालयका अनुसार साउन–पुससम्ममा दुई अर्ब ९५ करोड ९० लाख ३७ हजार बराबरको चिया निर्यात भएको हो ।

सोही अवधिमा ११ हजार दुई सय ३२ दशमलव २७ मेट्रिक टन चिया निर्यात भएको मेची भन्सार कार्यालयका सूचना अधिकारी गणपति कँडेलले जानकारी दिनुभयो ।

गत आव २०८/०८१ को सोही अवधिमा एक अर्ब ९० करोड पाँच लाख छ हजार रुपैया बराबरको चिया निर्यात भएको थियो ।

भारतमा चिया उत्पादनमा कमी आएसँगै नेपाली चियाको निर्यात बढनु सुखद् पक्ष रहेको चिया उत्पादक सङ्घका अध्यक्ष आदित्य पराजुलीले बताउनुभयो ।

चिया निर्यातमा नेपाल सरकारले सहजीकरण गरिदिने हो भने भारतमा माग बढेकाले चियाको निर्यात अझै बढ्ने अध्यक्ष पराजुलीको दाबी छ ।

सोहि नाका भएर चालु आव २०८१/०८२ को पुसमसान्तसम्म अलैँचीको निर्यात १६ दशमलव सात प्रतिशतले बढेको छ ।

चालु आवको छ महिनामा ४ अर्ब ५५ करोड ७० लाख ६९ हजार रुपैया बराबरको अलैँची निर्यात भएको छ ।

कार्यालयको तथ्याङ्कानुसार चालु आव २०८१/८२ को पुस मसान्तसम्म अलैँचीको निर्यात १६ दशमलव सात प्रतिशतले बढेको छ ।

चालु आवको छ महिनामा  चार अर्ब ५५ करोड ७० लाख ६९ हजार रुपैया बराबरको अलैँची निर्यात भएको छ । गत आव २०८०/८१ को सोही अवधिमा  तीन अर्ब ९० करोड ५८ लाख ०६ हजार रुपैया  बराबरको अलैँची निर्यात भएको थियो ।

कार्यालयको तथ्याङ्कानुसार प्लाइउड २७ दशमलव ९०, सिमेन्ट क्लिङ्कर चार हजार एक सय ४१, भेनियर सिटको निर्यात दुई सय ३६ प्रतिशतले वृद्धि भएको छ ।

यसैगरी फलामे पाता, छुर्पी, अदुवा, काउली, बन्दागोपी, ब्रोकाउली, फलामलगायत वस्तुको निर्यातमा कमी आएको छ ।

पूर्वी नाकामा रहेको मेची भन्सारबाट चालु आवको छ महिनामा  १३ अर्ब ८४ करोड चार लाख ३९ हजार रुपैया बराबरको मालवस्तु निर्यात भएको छ ।