१३ पुष, काठमाण्डौ ।    नेपाल राष्ट्र बैँकले चाँदी आयातका लागि पाइने विदेशी मुद्राको सटही सुविधामा हेरफेर गरेको छ ।

नेपाल राष्ट्र बैँकले आइतवार एकीकृत परिपत्र–२०८१ मा संशोधन गर्दै चाँदी आयातका लागि महिनामा उद्योगले २० लाख अमेरिकी डलर र अन्य व्यवसायीले चार लाख अमेरिकी डलर बराबर सटही सुविधा पाउने जनाएको छ ।

यसअघि उद्योगले एक पटकमा ५ लाख र अन्य व्यवसायीले १लाख अमेरिकी डलर बराबरको चाँदी आयातका लागि मुद्रा सटही सुविधा पाउने गरेका थिए ।

राष्ट्र बैँकले नयाँ व्यवस्थामार्फत मासिक कोटा तोकिदिएको हो ।