३१ बैशाख, काठमाडौ ।     सोमबार नेपाली सेयर बजारको परिसूचक नेप्से २४.३९ अंकले बढेको छ ।

सो अंकको वृद्धिपछि नेप्से परिसूचक १९९८.८९ अंकमा कायम भएको छ ।

नेप्सेसँगै यस दनि बजारको कारोवार रकम पनि बढेको छ ।

अघिल्लो दिन ३ अर्ब १५ करोडको कारोबार भएकोमा बजारमा सोमवार ३ अर्ब ४० करोड रुपैया बराबरको कारोवार भएको छ ।

यस दिन १४८ कम्पनीहरुको शेयरमूल्य बढ्दा ८५ कम्पनीहरुको घट्यो भने ११ को स्थिर रह्यो ।

सोमबार नै अधिकांश वाणिज्य बैंकहरूले जेठ महिनाका लागि ब्याजदर घटाएको सूचना सार्वजनिक गरेका कारण पनि बजार बढ्नमा टेवा पुग्यो ।

यस दिन बजारलाई बैंकिङ समूहले नै बढाउन मद्धत गरेको देखिएको छ । यस दिन बैंकिङ क्षेत्रको सूचक सबैभन्दा धेरै ३.२ प्रतिशतले बढेको छ भने लगानी समूह २ प्रतिशत बढेको छ ।

यस दिन पाँच कम्पनीको कारोवार मूल्य १० प्रतिशतले बढेको छ । नारायणी डेभलपमेन्ट बैंक,समाज लघुवित्त,माण्डु हाइड्रोपावर,सिर्जनशील लघुवित्त र हिमालय ऊर्जा विकासको मूल्य १० प्रतिशत बढेको छ ।