२३ कात्तिक, काठमाडौं । यस वर्षको लक्ष्मीपूजाको दिन आइतबार नेपालकाे विद्युत् प्रणालीमा एक हजार ८१३ मेगावाट विद्युत् माग पुगेको छ ।
नेपाल विद्युत् प्राधिकरणका अनुसार लक्ष्मीपूजाको दिन आइतबार साँझ ६ बजेर १५ मिनेटमा राष्ट्रिय विद्युत् प्रणालीको उच्चतम माग (पिक लोड) १ हजार ८१३ मेगावाट पुगेको हो ।
प्राधिकरणका अनुसार पिक लोडको समयमा निजी क्षेत्रका जलविद्युत् आयोजनाबाट १ हजार ५३६.५० मेगावाट विद्युत् उत्पादन भएको थियो ।
त्यस्तै, प्राधिकरणका सहायक कम्पनीबाट ४९९.२० मेगावाट, प्राधिकरणका जलाशय तथा नदी प्रवाही (आरओआर र पीआरओआर) आयोजनाबाट ३४२.३० मेगावाट र स्टोरेज आयोजनाबाट २२.३० मेगावाट विद्युत् उत्पादन भएको थियो ।
लक्ष्मीपूजाको दिन विद्युत् प्रणालीमा कुनै अवरोध (पावर इन्टरप्सन) नभएको प्राधिकरणले जनाएको छ । यस अवधिमा प्रणालीको फ्रिक्वेन्सी ५०.१२० हर्ज कायम रहेको थियो ।
यस्तै, लक्ष्मीपूजाको साँझ काठमाडौं उपत्यकाको अधिकतम विद्युत् माग ४८९.५० मेगावाट पुगेको प्राधिकरणको तथ्यांकमा उल्लेख छ ।
पछिल्लो समय जलविद्युत् उत्पादन क्षमता बढ्दै जाँदा चाडपर्वको समयमा आन्तरिक माग पूरा गरेर अतिरिक्त विद्युत् निर्यात गर्न सकिने अवस्था बनेको छ ।
प्राधिकरणका अनुसार अघिल्लो वर्षको लक्ष्मीपूजाको तुलनामा माग ६८ मेगावाटले बढि माग बढेको हो ।
गत वर्षको लक्ष्मीपूजामा १ हजार ७४५ मेगावाट विद्युत खपत भएको थियो ।
लक्ष्मीपूजाका दिनमा खपत विद्युतको पछिल्लो ३ वर्षको विवरण :
