२१ साउन  बकैया (मकवानपुर) । प्रधानमन्त्री केपी शर्मा ओलीले मुलुकमा नयाँ प्रविधियुक्त ढङ्गले लामा सुरुङ निर्माणमा ‘ब्रेक थ्रु’ एउटा महत्वपूर्ण कार्य भएको बताउनु भएको छ । राष्ट्रिय गौरवको काठमाडौँ–तराई –मधेस द्रुतमार्ग (फास्ट ट्रयाक)स्थित घट्टेपाँखा–धेद्रे सुरुङको ‘ब्रेक थ्रु’ कार्यक्रमलाई सम्बोधन गर्दै उहाँले नेपाल सुरुङ युगसँगै नयाँ युगमा प्रवेश गरेकाले अब यो विकास निर्माणको गति नरोकिने दृढता व्यक्त गर्नुभयो । प्रधानमन्त्री ओलीले भन्नुभयो, “विगतमा जुन रफ्तारमा विकास हुनुपर्थ्यो, त्यो भएन, अब विकासको नमुना यो द्रुतमार्ग हुनेछ ।” द्रुतमार्ग अघि बढाउने सन्दर्भमा देखिएका बाधा व्यवधानलाई समाधान गर्न सरकार तयार रहेको बताउँदै उहाँले द्रुतमार्ग निर्माणमा देखिएको व्यवधान राजनीतिक मात्र नभई अर्थतन्त्रसँग पनि जोडिएको…

  २० साउन, ललितपुर ।    प्रधानमन्त्री केपी शर्मा ओलीले योजना निर्माण गर्दा गुणस्तरमा ध्यान दिन विभाग र मातहतका कार्यालयलाई निर्देशन दिनुभएको छ । सडक विभागले शनिबारदेखि ललितपुरमाआयोजना गरेको आर्थिक वर्ष २०८०/८१ मा सञ्चालन गरेका कामको प्रगति समीक्षा गोष्ठीको समापनका अवसरमा निर्देशन मन्तव्य राख्नुहुँदै उहाँले सडकको सुरक्षा र मानिसको सुरक्षा हुनेगरी चालु योजना सम्पन्न गर्न निर्देशन दिनुभएको हो । “मानिसलाई आवश्यक नै नहुने वन र भिरमा सडक खनेर कुनै फाइदा छैन, मानव बस्ती छुने र छोटो हुनेगरी सडक निर्माण गर्न आवश्यक छ, अनावश्यक ठाउँमा ‘ट्र्याक’ खोलेर उपयुक्त हुँदैन, भिरमा बाटो लगेर मानिसका लागि फाइदा हुँदैन, यसका लागि ध्यान दिन जरुरी छ”,…

 २० साउन धनगढी । सुदूरपश्चिम प्रदेशको मुख्यमन्त्रीमा कमल बहादुर शाह नियुक्त हुनु भएकाे  छ । प्रदेश प्रमुख नजिर मियाँले नेपाली काँग्रेस संसदीय दलका नेता शाहलाई आज मुख्यमन्त्री पदमा नियुक्त गर्नुभएको हो । नेपालको संविधानको धारा १६८ को उपधारा २ बमोजिम शाह मुख्यमन्त्रीमा नियुक्त हुनुभएको प्रदेश प्रमुखको कार्यालयले जनाएको छ । उहाँलाई काँग्रेस र एमालेको समर्थन रहेको छ । शाह यसअघि २०७९ माघ २७ गते मुख्यमन्त्रीमा नियुक्त हुनुभएको थियो । त्यतिबेला उहाँले करिब १४ महिना सरकारको नेतृत्व गर्नुभएको थियो । केन्द्रमा काँग्रेस र एमालेको नयाँ सत्ता गठबन्धन बनेपछि शाहलाई दोस्रो पटक प्रदेश सरकारको नेतृत्व गर्ने अवसर प्राप्त भएको छ । मुख्यमन्त्रीबाट…

   १९ साउन   काठमाडौँ   ।    युवाहरूको नयाँ विचारलाई व्यवसायमा रूपान्तरण गर्न उत्प्रेरकको रुपमा काम गर्दै आएको संस्था आइडिया स्टुडियो नेपाल तथा प्रभु बैंकले उद्यमशीलताको विकासका लागि विभिन्न तीन वटा शैक्षिक संस्थासँग रणनीतिक समझदारी गरेका छन् । राजधानीमा आयोजित एक कार्यक्रमका बीच आइडिया स्टुडियो नेपाल र प्रभु बैंकले संयुक्त रुपमा गण्डकी प्रदेशका धौलागिरि बहुमुखी क्याम्पस, म्याग्दी बहुमुखी क्याम्पस र कालिका बहुमुखी क्याम्पससँग रणनीतिक समझदारी पत्रमा हस्ताक्षर गरेको आइडिया स्टुडियो नेपालकी व्यापार प्रवद्र्धन अधिकृत प्रज्ञा घिमिरेले जानकारी दिनुभयो । समझदारी पत्रमा प्रभु बैङ्क लिमिटेडका तर्फबाट प्रमुख कार्यकारी अधिकृत अशोक शेरचन, आइडिया स्टुडियो नेपालका तर्फबाट कार्यकारी अध्यक्ष डा छिरिङ लामाले हस्ताक्षर गर्नुभएको…

१६ बुधवार, काठमाडौ ।   उपप्रधानमन्त्री तथा अर्थमन्त्री विष्णु पौडेलले रोजगारी तथा स्वरोजगारी सिर्जनामा महत्वपूर्ण योगदान दिने घरेलु तथा साना उद्योगको विकास एवं प्रवर्द्धनमा सरकारले ध्यान दिने बताउनुभएको छ । नेपाल घरेलु तथा साना उद्योग महासङ्घको प्रतिनिधिमण्डलसँग बुधवार अर्थ मन्त्रालयमा भएको भेटघाटका क्रममा अर्थमन्त्री पौडेलले घरेलु तथा साना उद्योगका पक्षमा आवश्यक नीति, नियम, कानुन, निर्देशिका ल्याउन मन्त्रालय तयार रहेको स्पष्ट गर्नुभयो । सरकारले सबै खालका उद्योग–व्यवसाय, रोजगारी, उत्पादन, उत्पादकत्व लगायत क्षेत्रमा देखिएका समस्या र समाधानका विषयमा सूक्ष्म रूपमा अध्ययन गरिरहेको उल्लेख गर्नु भयो । उहाँले अर्थतन्त्रलाई चलायमान बनाउने महत्वपूर्ण भूमिकामा रहेका मुलुकका उद्योगी–व्यवसायीबाट प्राप्त राय सुझावलाई सम्बोधन गर्ने गरी नीति तथा…