१२ चैत्र, काठमाडौं ।  एयर ट्राफिक कन्ट्रोलर (एटीसी) को अनुमतिबिना  जहाज १५ हजार फिटमा तल झारेको विषयमा नेपाल नागरिक उड्डयन प्राधिकरणले एयर इण्डियालाई पत्राचार गरेको छ । गत शुक्रबार नयाँ दिल्लीबाट काठमाडौँस्थित त्रिभुवन अन्तर्राष्ट्रिय विमानस्थलमा अवतरण गर्नुअघि बिनाअनुमति १९ हजार फिटमाथि उडान भरिरहेको एयर इण्डियाको जहाज अचानक १५ हजार फिटमा झरेको थियो । सोही समयमा मलेसियाको क्वालालम्पुरबाट काठमाडौँ आउँदै गरेको नेपाल एयरलाइन्सको जहाजसँग झण्डै ठोक्किन पुगेको थियो । लगत्तै नेपाल एयरलाइन्सको जहाजले उचाइ लिएपछि सम्भावित दुर्घटना टरेको थियो । सोही विषयमा छानबिन गरी कारबाही गरेको ब्यहोरा प्राधिकरणलाई पठाउने सन्देशसहित एयर इण्डियालाई पत्राचार गरिएको प्राधिकरणका प्रवक्ता जगन्नाथ निरौलाले जानकारी दिए ।…

११ चैत्र,काठमाडौं ।  नेपाललले काठमाडाैं –सिडनी–काठमाडाैं उडान संचालनका लागि नेपालको ध्वजावाहक नेपाल एयरलाइन्सलाई तोकेर अष्ट्रेलिया सरकारलाई पत्र पठाएको छ । अष्ट्रेलियाको क्यनवेरास्थित नेपाली दुतावासले काठमाडाैं –सिडनी–काठमाडाैं उडान संचालनका लागि नेपालको ध्वजावाहक नेपाल एयरलाइन्सलाई तोकेर अष्ट्रेलिया सरकारलाई शुक्रवार पत्र पठाएको हो । नेपाल र अष्ट्रेलिया सरकारबीच भएको संझौता बमोजिम अष्ट्रेलिया सरकारको नागरिक उड्डयन निकायलाई पत्राचार गरेको र यो संगै नेपाल एयरलाइन्सकोे काठमाडाैं – सिडनी–काठमाडाैं  उडान संचालनका लागि प्रकृया अघि बढेको अष्ट्रेलियाका लागि नेपाली राजदुत कैलाशराज पोखरेलले जानकारीदिनु भयो । उडान संचालनका लागि अस्ट्रेलिया सरकारका निकायहरु संग समन्वय गरी प्राबिधिक प्रक्रिया पुरा गर्न आवश्यक काम अघि बढाएको नेपाल एयरलाइन्सले जनाएको छ ।

२१ फागुन,काठमाडौं। राष्ट्रिय ध्वजावाहक नेपाल वायुसेवा निगम (नेपाल एयरलाइन्स)ले दक्षिण कोरियामा सिधा उडान गर्ने तयारी अघि बढाएकाे छ । दक्षिण कोरियाको राजधानी सिओलस्थित इन्चोन इन्टरनेशल एयरपोर्टमा उडान गर्नका लागि प्रक्रिया अगाडि बढाइएको निगमका प्रवक्ता अर्चना खड्काले जानकारी दिनुभयो । उक्त प्रयोजनका लागि निगमका नायब महाप्रबन्धक (प्राविधिक) इञ्जिनियर विक्रम केसीको संयोजकत्वमा १० सदस्यीय सेफ्टी अडिट उपसमिति गठन गरिएको छ । समितिमा निगमको सेफ्टी, इञ्जिनियरिङलगायत विभागको प्रतिनिधित्व छ । दक्षिण कोरियामा सिधा उडान सञ्चालनार्थ सेफ्टी अडिट गर्नका लागि समिति गठन गरिएको हो । “उडानका लागि दक्षिण कोरियाको मिनिस्ट्री अफ ल्यान्ड, इन्फास्ट्रक्चर अफ एन्ड ट्रान्सपोर्ट (मोलिट) अन्तर्गतको सिभिल एभिएसन अथोरिटीले अडिट गर्नुपर्ने हुन्छ,…

 १७ फागुन,काठमाडाैं ।  कुबेतको  जजीरा एयरवेजले गौतम बुद्ध अन्तर्राष्ट्रिय विमानस्थलबाट निर्धारित उडानहरु पुनः शुरु गर्ने घोषणा गरेको छ । एयवरेजले आगामी फागुन २५ गतेदेखि सातामा भैरहवाबाट कुवतेसम्मको लागि ३ वटा उडान गर्ने जनाएको छ । जजीराले भैरहवाबाट कुबेतको लागी मंगलबार, बिहीबार र शनिबार नेपाली समय अनुसार बिहान ८ः०५ बजे उडान भर्नेछ भने कुवेतमा स्थानीय समय अनुसार बिहान १०ः५५ बजे अवतरण गर्ने छ । साथै जजीरा एयरवेजले भैरहवादेखि कुवेतसम्म एकतर्फी भाडा २८ हजार ८ सय ३६ रुपैयाँ कायम गरेको छ । नेपालस्थित जजीरा एयरवेजका जनरल सेल्स एजेन्ट तथा सोसाइटी इन्टरनेशनल ट्राभल सर्भिसेस्का अध्यक्ष रविचन्द्र सिंहले –‘नेपालमा गौतम बुद्ध अन्तर्राष्ट्रिय विमानस्थल तथा…

१७ फागुन, काठमाडाैं । अङ्ग्रेजी वर्ष सन् २०२३ को फेब्रुअरी महिनामा ७३ हजारभन्दा बढी विदेशी पर्यटक नेपाल भित्रिएका छन् । नेपाल पर्यटन बोर्डले उपलब्ध गराएको तथ्याङ्कअनुसार वर्षको दोस्रो महिना हवाई मार्ग भएर ७३ हजार दुई सय ५५ पर्यटकले नेपाल भ्रमण गरेका छन् । जनवरी महिनामा ५५ हजार ७४ जना विदेशी पर्यटक नेपाल भित्रिएका थिए । अघिल्लो वर्ष सन् २०२२ को फेब्रुअरीमा १९ हजार सात सय ६६ पर्यटकको नेपाल आगमन भएको थियो । सन् २०२१ को सोही महिनामा नौ हजार एक सय ४६ पर्यटकले नेपाल भ्रमण गरेका थिए । पछिल्ला दिनमा विदेशी पर्यटक आगमन उत्साहबर्द्धक रहेको बोर्डका निर्देशक मणिराज लामिछानेले बताउनुभयो…