वीरगञ्ज । निज विद्यालयहरुले आफूखुशि चर्को शूल्क निर्धाण गरी शिक्षालाई महंगो बनाएको स्थानीयको गुनासो पछि वीरगंज महानगरपालिकाले नगर क्षेत्रका निजी विद्यालयहरुको वर्गीकरण गरी शुल्क निर्धारण गरेको छ । गुणस्तरीय शिक्षाको नाममा अभिभावकहरुलाई ढाड सेकाउने गरी चर्को शुल्क लिने निजी विद्यालयहरुको महानगरपालिकाले बर्गीकरण सँगै शुल्क निर्धारण गरेपछि अभिभावकलाई राहत भएको छ । वीरगंज महानगरपालिकाका नगर प्रमुख राजेशमान सिंहले शुक्रवार पत्रकार सम्मेलनको आयोजना गरी नेपालमै पहिलो पटक बीरगंज महानगरपालिकाले नगर क्षेत्रका ५८ वटा निजी विद्यालयहरुको बर्गीकरण गरी शुल्क निर्धारण गरेको बताउनु भयो । महानगरपालिकाको निर्णयले आम सर्वसाधारण अभिभावकलाई राहत भए पनि अभिभावकको नाममा गठित संघर्ष समितिले राम्रो कार्यको विरोध गर्दा विचार…

काठमाडाै । नेपालकाे मध्यपहाडी क्षेत्रकाे विकास र समृद्धिको आधारकाे रुपमा रहेको पुष्पलाल (मध्यपहाडी) लाेकमार्ग  निर्माण शुरु भएको डेढ दशककाे समय बित्दा पनि ६४ प्रतिशत मात्र निर्माण  सम्पन्न भएको छ। आयोजनाको पहिले तोकिएको अवधि सकिएको छ वर्ष नाघिसक्दा पनि कतिपय खण्डमा सडक कहाँबाट बनाउने (रेखाङ्कन)मा नै अन्योल छ। पहिले बूढीगण्डकी नदीको नजिकै सडकको रेखाङ्कन रहेको भने ऊर्जा तथा जलस्रोत मन्त्रालयले सो स्थानमा जलाशययुक्त आयोजना निर्माण गर्ने योजना बनाएका कारण अझै अन्योल भएको आयोजनाका सूचना अधिकारी सुरज अधिकारीले बताए। केही समय पहिलेसम्म कास्कीमा पनि रेखाङ्कनको अन्योल भए पनि अहिले त्यो समाधान भइसकेको उनको भनाइ छ। आयोजनाअन्तर्गत झण्डै  चार सय १५ किमी सडक…

काठमाडाै। नबिल बैंकले एक्सपोर्ट–इम्पोर्ट बैंक अफ इन्डिया (एक्जिम बैंक) को नयाँ व्यापार सहजीकरण पहल ‘व्यापार सहायता कार्यक्रम (ट्याप)’ अन्तर्गत सदस्य बैंकको मान्यता प्राप्त गरेको छ । एक्जिम बैंकबाट यस्तो सुविधा पाउने नबिल नेपालको पहिलो र एकमात्र बैंक भएकाे बैककाे दाबी छ । एक्जिम बैंकले सूक्ष्म जोखिम समीक्षापछि नबिल बैंकलाई व्यापार सहायता अन्तर्गत सदस्यता प्रदान गरेको हो । यो सम्झौताले नेपाल र भारतबीच बढ्दो व्यापारलाई सहज बनाउने, नेपाल र भारतबीचको बढ्दो आर्थिक संलग्नतालाई सुदृढ गर्ने, आयात निर्यातलाई सहजीकरण गरी अवसर खोल्ने नबिल बैंकको विश्वास छ । यो सुविधा अन्तर्गत एक्जिम बैंकले नबिल बैंकको भुक्तानी दायित्वको समर्थनमा भारतमा लेटर अफ क्रेडिट स्वीकार…

काठमाडौं । बैंक तथा वित्तीय संस्था परिसंघ नेपाल(सिबिफिन)ले नेपालको वर्तमान अर्थतन्त्रका विभिन्न विषयमा अन्तर्राष्ट्रिय मुद्रा कोष (आईएमएफ) का नेपाल प्रतिनिधि टेरेसा डबान सान्चेजसँग छलफल गरेको छ । छलफलका अवसरमा सिबिफिनका उपाध्यक्ष राजेश उपाध्यायले बैंक तथा वित्तीय संस्थाले लिने सेवा शुल्क, व्याजदर, लगानी योग्य रकमको अभावलगायतका विषयले बैंक तथा वित्तीय संस्थाहरूमा चुनौती सृजना हुँदै गएकोप्रति चिन्ता व्यक्त गर्दै नेपालको आर्थिक एवं बैंकिङ क्षेत्रको सुधार र स्तरोन्नतिका क्षेत्रमा सहकार्य गर्न आइएमअफका प्रतिनिधिसँग आग्रह गर्नुभयो । छलफलमा अन्तर्राष्ट्रिय मुद्रा कोषका नेपाल प्रतिनिधि टेरेसा डबान सान्चेजले अहिले नेपालको मात्र नभई विश्व अर्थतन्त्रको अवस्था जटिल बन्दै गएको उल्लेख गर्नु भयो । उहाँले संयुक्तराज्य अमेरिका र…

काठमाडौं। नेपाल विद्युत प्राधिकरणले चालु आर्थिक वर्षको पहिलो त्रैमासमा साढे आठ अर्ब रुपैयाँ नाफा कमाएको छ। यो कर अघिको नाफा हो। सो अवधिमा विद्युत बिक्री, ब्याज तथा अन्य आम्दानीबाट कुल ३२ अर्ब ९८ करोड रुपैयाँ आम्दानी गरेको प्राधिकरणले जनाएको छ। प्राधिकरणका कार्यकारी निर्देशक कुलमान घिसिङले चुहावट नियन्त्रण,आन्तरिक रुपमा तथा भारतर्फको  विद्युत निर्यात बढ्दा आम्दानीमा वृद्धि भएको बताए। उनले खर्च नियन्त्रणलाई विशेष ध्यान दिँदा गर्दा उल्लेख्य नाफा कमाउन सफल भएको बताए। स्वामित्वमा रहेका विद्युतगृहरुबाट उत्पादित र निजी क्षेत्रबाट खरिद गरिएको विद्युत बिक्री गरी खुद २२ अर्ब २० करोड रुपैयाँ आम्दानी भएको छ। सो अवधिमा प्राधिकरणले निजी क्षेत्रबाट मात्रै १४ अर्ब १५ करोड रुपैयाँको विद्युत खरिद…