४ बैशाख, काठमाडौ ।  अर्थमन्त्री डा.प्रकाशशरण महतले अर्थतन्त्रमा देखिएका केही व्यवधान तथा अप्ठ्याराहरुलाई सरकार र निजी क्षेत्र मिलेर हटाउनु पर्ने बताउनु भएको छ । नेपाल उद्योग वाणिज्य महासंघका नवनिर्वाचित पदाधिकारीलाई बधाइ तथा शुभकामना दिन सोमवार अर्थ मन्त्रालयमा आयोजित कार्यक्रममा अर्थमन्त्री डा.महतले अप्ठ्यारो समय भएकोले सरकार र नीजि क्षेत्रले एक अर्कालाई सहयोग गर्नु पर्नेमा जोड दिनु भयो । सरकारले जसरी काम गर्नुपर्ने हो, त्यो हुन नसकेको भन्दै अर्थमन्त्री महतले सबै कुरामा सुधार ल्याउन र देशको समग्र क्षमता विकास गर्नु अहिलेको चुनौतिको विषय भएको बताउनु भयो । उहाँले बढ्दो साधारण खर्चले निम्त्याएको दायित्व, आर्थिक श्रोतको पहिचान र परिचालनलाई राजनीतिक क्षेत्रसंगको तादम्यता मिलाउनु…

३० चैत्र, काठमाडौ।    नेपाल सरकारको बेरुजु ९ खर्ब ५९ अर्ब ७९ करोड पुगेको छ । महालेखापरीक्षकको कार्यालयले बिहिवार सार्वजनिक गरेको ६० औँ वार्षिक प्रतिवेदनमा सरकारको हाल सम्मको जम्मा बेरुजु ९ खर्ब ५९ अर्ब ७९ करोड पुगेको देखिएको छ । प्रतिवेदनमा गत आर्थिक वर्ष २०७८/७९ मा संघ, प्रदेश र स्थानीय तहको एकमुष्ट बेरुजु १ खर्ब १९ अर्ब ७७ करोड रुपैयाँ थप भएको उल्लेख छ । यो वर्ष ६ हजार ५ सय ४६ सरकारी निकायको ७१ खर्ब ३८ अर्ब १६ करोड रुपैयाँ बराबरको लेखापरीक्षण गरिएको महालेखापरीक्षक टङ्कमणि शर्माले बताउनुभयो । यस वर्ष बेरुजु प्रतिशत १.६८ प्रतिशत देखिएको छ । महालेखापरीक्षकको कार्यालयमा…

२८चैत्र, काठमाडौ।  प्रधानमन्त्री पुष्पकमल दाहालले मुलुकको अर्थतन्त्र सुधारका लागि निजी क्षेत्र र सरकारबीच बलियो एकता आवश्यक भएकाे बताउनुभएको छ । नेपाल उद्योग वाणिज्य महासङ्घको ५७ औँ वार्षिक साधारणसभालाई म‌गलवार काठमाडौँमा सम्बोधन गर्नुहुँदै प्रधानमन्त्री दाहालले निजी क्षेत्र बलियो र सशक्त नभई मुलुक समृद्ध हुन नसक्ने भएकाले निजी क्षेत्रसँग सहकार्य गर्न सरकार तयार रहेको बताउनुभयो । प्रधानमन्त्री  दाहालले आफूले निजी क्षेत्रको समस्या राम्ररी बुझेको भन्नुहुँदै  संकटोउन्मुख अर्थतन्त्रलाई सहज अवस्थामा ल्याउने  विषयमा  छलफल गरिरहेको उल्लेख गर्नुभयो । प्रधानमन्त्री दाहालले नयाँ संविधान निर्माणपछि आर्थिक विकास र समृद्धिमा गुणात्मक फड्को मार्ने अपेक्षा गरिए पनि राष्ट्रिय र अन्तर्राष्ट्रिय परिस्थितिका कारण अर्थतन्त्रले सङ्कटको सामना गरिरहेको धारणा राख्नुभयो…

२७ चैत्र, काठमाडौं। प्रधानमन्त्री पुष्पकमल दाहाल ‘प्रचण्ड’ले बैङ्कको ब्याजदर घटाउनका लागि सरकारले विभिन्न उपायहरू खोजिरहेको बताउनुभएको छ। अर्थतन्त्र सुधारका लागि सुझाव लिने उद्देश्यले सिंहदरबारमा साेमवार बैङ्क तथा वित्तीय क्षेत्रका प्रतिनिधिहरूसँग गरिएको छलफलमा प्रधानमन्त्री दाहालले अर्थतन्त्र सुधारका लागि सरकार गम्भीर रूपमा लागिरहेको बताउनुभयो । बैठकमा प्रधानमन्त्रीले भन्नुभयो, “मैले नै यो बैठकको आयोजना गरेको हुँ। अर्थतन्त्रमा देखापरेको दबाबलाई कम गर्न लगातार छलफलमा छौँ। बैङ्कको ब्याजदर घटाउने उपायहरू खोजिरहेका छौँ। हामी छिट्टै एउटा निष्कर्षमा पुग्छौँ।” “विदेशी मुद्रा सञ्चितिको दबाबबाट अलि सजिलो महसुस हुँदैछ। अहिले विदेशी मुद्रा सञ्चिति र विप्रेषणमा सुधार आएको छ” प्रधानमन्त्रीले भन्नुभयो, “बजेट बनाउनुअघि निजी र सरकारी क्षेत्रका प्रतिनिधिहरूसँग बृहत् छलफल…

२७ चैत्र काठमाडौं ।  प्रधानमन्त्री पुष्पकमल दाहालले मुलुकको अर्थतन्त्रमा केही सुधारका संकेतहरु देखिएको दावी गर्नु भएको छ । नेपाल चेम्बर अफ कमर्सको ७२ औं वार्षिक साधारणसभाको उद्घाटनसत्रलाई सम्वोधन गर्दै प्रधानमन्त्री दाहालले अर्थतन्त्रको बाह्य क्ष्ेत्र सकारात्मक, राजश्व संकलनमा वृद्धि, पूँजीगत खर्चमा सुधार देखिएको बताउनुभयो । अर्थतन्त्रमा केही सुधार देखिएपनि ट्रयाकमा भने आईनसकेको प्रधानमन्त्री  दाहालले उल्लेख गर्नु भयाे  । प्रधानमन्त्री दाहालले भन्नुभयो, ‘कम्तिमा १० महिनालाई पुग्नेगरी विदेशी विनिमय सञ्चिती रहेको छ । पछिल्लो समय उल्लेख्य रुपमा राजश्व संकलन हुन थालेको छ । बैंक वित्तीय संस्थामा ब्याजदर उच्च हु“दा केही समस्या देखिएको छ । यसको समाधानका लागि पनि पहल भईरहेको छ, ।’ अर्थतन्त्रका…