०६ फागुन,काठमाडौँ ।    प्रतिनिधि सभाको मगलवारकको बैठकले विद्युतीय व्यापार इ–कमर्श विधेयक २०८० पारित गरेको छ । बैठकमा उद्योग, वाणिज्य तथा आपूर्ति मन्त्री दामोदर भण्डारीले पेश गर्नुभएको उद्योग तथा वाणिज्य र श्रम तथा उपभोक्ता हित समितिको प्रतिवेदन सहितको विद्युतीय व्यापार इ–कमर्श विधेयक २०८० सर्वसम्मतिले पारित भएको हो । बैठकमा विधेयकमाथिको छलफलका क्रममा उठेका प्रश्नहरूको जवाफ दिँदै उद्योगमन्त्री भण्डारीले विधेयकले उद्योग व्यवसाय तथा व्यापारको क्षेत्रमा विदेशी लगानी आकर्षित गर्ने, नवउद्यमीलाई प्रोत्साहित गर्ने र थप रोजगारीका अवसरहरू सिर्जना गर्ने बताउनुभयो । मन्त्री भण्डारीले प्रविधिमा आधारित कारोबारलाई सहज बनाउन र अनलाइन ठगी एवं अनियमितता नियन्त्रण गर्न समेत विधेयकले सहयोग गर्ने विश्वास व्यक्त गर्नुभयो…

 ०४ फागुन , काठमाडौँ।   नेपाल आयल निगमले पेट्रोलको मूल्य बढाएको छ भने डिजेल र मट्टीतेलको मूल्य घटाएको छ। निगम सञ्चालक समितिको शनिबारको बैठकले मध्यरातदेखि लागू हुने गरी पेट्रोलको मूल्यमा प्रतिलिटर १ रुपियाँ बढाएको छ भने डिजेल र मट्टीतेलको मूल्यमा प्रतिलिटर ४ रुपियाँको कटौती गरिएको छ। नयाँ मूल्य समायोजन अनुसार, पेट्रोलको मूल्य पहिलो वर्गका लागि प्रतिलिटर १६५ रुपियाँ ५० पैसा, दोस्रो वर्गमा १६७ रुपियाँ, र तेस्रो वर्गका लागि १६५ रुपियाँ कायम गरिएको छ। डिजेल र मट्टीतेलको मूल्य पहिलो वर्गका लागि १५३ रुपियाँ ५० पैसा, दोस्रो वर्गमा १५५ रुपियाँ, र तेस्रो वर्गका लागि १५६ रुपियाँ कायम गरिएको छ। निगमले चारआली, विराटनगर, जनकपुर,…

   ०४ फागुन, काठमाडौँ  ।    नेपाली बजारमा आइतवार सुनकाे मुल्य उच्च रकमले घटेकाे छ  । र्राष्ट्रिय बजारमा सुनको मूल्य घटेसँगै त्यसको प्रभाव स्थानीय बजारमा पनि परेको छ । गत शुक्रबारको तुलनामा  आइतवार  सुन प्रतितोला दुई हजार ७ सय र चाँदी  १५ रूपैया ले घटेको छ । गत शुक्रबार प्रतितोला सुन  एक लाख ७० हजार २ सय रूपैयामा  कारोबार भएकामा आइतवार सोही परिमाणको सुन एक लाख ६७ हजार ५०० निर्धारण भइ काराेवार भएकाे  नेपाल सुनचाँदी व्यवसायी महासङ्घले जनाएको छ । यसैगरी, यस दिन चाँदी प्रतितोला  १५  रूपैयाले घटेर काराेवार भएकाे छ । आइतवारका लागि प्रतितोला चाँदीको मूल्य  एक हजार नौ…

 २९ माघ वीरगंज ।   नेपाल आयल निगम प्रादेशिक कार्यालय अमलेखगन्ज बाराले भारतबाट पाइप लाइन हुँदै आयात गरिएको पेट्रोल र मट्टितेलको औपचारिक रुपमा सोमबारदेखि वितरण शुरु गरेको छ । यस अघि आयल निगमले पाइप लाइन मार्फत डिजेल मात्रै वितरण गर्दै आएको थियो । पाइप लाइन विस्तार र अत्याधुनिक भण्डारण कक्षको निर्माण सम्पन्न गरेसँगै पेट्रोल र मट्टितेल आयातको सफल परीक्षणपछि रक्सौल–अमलेखगन्ज पेट्रोलियम पाइप लाइनबाट औपचारिक रूपमा पेट्रोल वितरण सोमबार बाट शुरु गरिएको निगमका अमलेखगन्जस्थित प्रादेशिक कार्यालय प्रमुख प्रलयंकर आचार्यले जानकारी दिनुभयो । हिजो सोमबार पाइप लाइनबाट आयातित पेट्रोल पोखरा र विराटनगर पठाइएको छ ।  पोखरामा ७ ट्याङ्कर र विराटनगरमा १० ट्याङ्कर पेट्रोल…

२८ माघ, काठमाण्डौ ।  नेपालको पूर्वी नाका काँकरभिट्टाबाट चालु आर्थिक वर्षको छ महिनामा १४ अर्ब ५६ करोड ६३ लाख बराबरका कृषिजन्यवस्तु निर्यात भएको छ । प्लान्ट क्वारेन्टिन तथा विषादी व्यवस्थापन केन्द्र क्वारेन्टिन कार्यालयका सूचना अधिकारी चन्द्रेश्वर ठाकुरका अनुसार निर्यात हुने मुख्य वस्तुहरूमा अलैँची, चिया, प्लाइ तथा भेनियर, अदुवा, अम्लिसोलगायत रहेका छन् । छ महिनामा सबैभन्दा धेरै चिया छ अर्ब ८२ करोड, अलैँची चार अर्ब २२ करोड ६० लाख, प्लाइ तथा भेनियर एक अर्ब ९१ करोड १३ लाख मूल्य बराबरको निर्यात भएको छ । सोही अवधिमा काँकरभिट्टा नाकाबाट एक अर्ब ९६ करोड ६७ लाख ५० हजार मूल्य बराबरको कृषिजन्य मालवस्तु आयात…